"პრეზიდენტს თავიდანვე ვუთხარი და თქვენთანაც ვამბობ", - ალეგრიმ ჩემპიონთა ლიგაზე იუვენტუსის მთავარი მიზანი დაასახელა

„იუვენტუსის“ მთავარმა მწვრთნელმა, მასიმილიანო ალეგრიმ „მალმესთან“ მატჩის წინ გუნდის მიზნებზე ისაუბრა.

„იუვენტუსი ფავორიტად მიიჩნეოდა, იმიტომ რომ ჩემ 5 წელიწადში ორჯერ ჩემპიონთა ლიგის ფინალში გავედით, სხვადასხვანაირი შედეგებით და გარკვეული უიღბლობით. მაგალითად მატჩი მიუნხენის „ბაიერნთან“.

ამაზე პრეზიდენტს თავიდანვე დაველაპარაკე და ახლა თქვენთანაც ვამბობ, „იუვენტუსის“ მთავარი მიზანია - რვა საუკეთესო გუნდში მოხვედრა. როგორც კი იქ მოვხვდებით, შემდეგ შეიძლება მოხდეს ნებისმიერი რამ.

უნდა შევეცადოთ ჯგუფური ეტაპი ისე გავიაროთ, რომ ხალხს საკუთარი ძალა დავანახოთ. წელს ფავორიტებს შორის არ ვართ, მაგრამ ეს იმას არ ნიშნავს, რომ გამარჯვების სურვილი არ გვაქვს.“ - ციტირებს ალეგრის სიტყვებს Football Italia.

მატჩი „მალმე" - „იუვენტუსი" დღეს, თბილისის დროით 23:00 საათზე გაიმართება.

იუვენტუსის ვეტერანი: "იუნაიტედში რონალდუმ პირველივე მატჩში გააკეთა ის, რაზეც ჩვენთან კატეგორიულ უარს აცხადებდა"