"ფანტასტიური ფეხბურთელია, მისი გულშემატკივარი ვარ", - ვინისიუსი რეალში მბაპეს შესაძლო ტრანსფერს ეხმაურება

"რეალის" თავდამსხმელმა, ვინისიუს ჟუნიორმა კლუბის ხელმძღვანელობის მხრიდან მისდამი ნდობის შესახებ ისაუბრა.

გარდა ამისა, 21 წლის ბრაზილიელმა ფეხბურთელმა "პსჟ"-ს სუპერვარსკვლავ კილიან მბაპეზეც გააკეთა კომენტარი.

"ფლორენტინო პერესი პირველივე დღიდან მენდობა. უკვე ანჩელოტიც მეხმარება. მიყვარს ჩემი ცხოვრება "რეალში", - ციტირებს ვინისიუსის სიტყვებს AS.

"მბაპე? ფანტასტიური ფეხბურთელია, მისი გულშემატკივარი ვარ! დარწმუნებული ვარ, "პსჟ"-ში საუკეთესო სეზონი ექნება. შემდეგ ვნახოთ, რა მოხდება მის მომავალთან დაკავშირებით", - დასძინა ბრაზილიელმა.

31 აგვიტოს გავრცელებული ინფორმაციით, "რეალი" 22 წლის მბაპეს სანაცვლოდ 220 მილიონ ევროს იხდიდა, თუმცა "პსჟ"-მ ფრანგის გაშვება იუარა.

ვინისიუსმა აღიარა, თუ რა ურჩია ანჩელოტიმ იმისთვის, რომ მისი სიზუსტე გაუმჯობესებულიყო