ავტორიზაცია
"ფრის შემთხვევაშიც კი იმედი გამიცრუვდებოდა", - ინძაგიმ რეალთან მარცხი შეაფასა
"ინტერის" მთავარი მწვრთნელის, სიმონე ინძაგის განცხადებით, ჩემპიონთა ლიგაზე "რეალთან" (0:1) გამართულ მატჩში მოგების იმედი ჰქონდა.
გარდა ამისა, იტალიელმა სპეციალისტმა თქვა, რომ ტრიბუნებზე გულშემატკივრების დაბრუნებით გახარებულია.
"ფრის შემთხვევაშიც კი იმედი გამიცრუვდებოდა, მაგრამ კარგად ვითამაშეთ", - ციტირებს "ნერაძურის" თავკაცის სიტყვებს უეფას პრესსამსახური.
"კარგია, რომ გულშემატკივრები ტრიბუნებზე დაბრუნდნენ. მათი კვლავ ჩვენთან ხილვა სასიამოვნო იყო", - დასძინა ინძაგიმ.
ევროპის მთავარი საკლუბო ტურნირის ამ ჯგუფის მეორე ტურში "რეალი" "შერიფს", "შახტარი" კი "ინტერს" დაუპირისპირდება, ორივე მატჩი 28 სექტემბერს გაიმართება.
