ავტორიზაცია
ოუენი: "მესის, ნეიმარისა და მბაპეს ტრიო პარი სენ ჟერმენის შეტევას ასუსტებს"
ინგლისის ნაკრების ექს-თავდამსხმელმა, მაიკლ ოუენმა "პსჟ"-ს შემტევი ტრიო, კილიან მბაპე, ნეიმარი და ლიონელ მესი გააკრიტიკა.
"ამ გუნდით მოხიბლულები ვართ, სადაც ასეთი ფორვარდები თამაშობენ - ყველა მათგანი ფენომენალურია. მაგრამ სამივე ერთად "პსჟ"-ს შეტევას ასუსტებს".
"არ მესმის, რატომ მოიაზრებენ მათ ამ ჩემპიონთა ლიგის ერთ-ერთ მთავარ ფავორიტად. ვფიქრობ, ინგლისური გუნდები უფრო უკეთესები არიან", - თქვა ინგლისელმა BT Sport-თან ეთერში.
მოგეხსენებათ, გუშინ, ევროპის მთავარი საკლუბო ტურნირის ჯგუფური ეტაპის პირველი ტურის ეგიდით, "პსჟ"-მ სტუმრად "ბრიუგეს" ვერ მოუგო - 1:1.
ბელგიურ კლუბთან შეხვედრაში პარიზელთა მრისხანე შემტევი ტრიო ძირითად შემადგენლობაში მოგვევლინა, თუმცა ვერცერთმა მათგანმა ვერ მოახერხა თავის გამოჩენა.
