"ყველაფერი, რაც პრესაში წავიკითხე, არ ემთხვეოდა იმას, რაც კლუბში ხდება", - ერერა მბაპეს შესაძლო ტრანსფერზე

"პსჟ"-ს ნახევარმცველის, ანდერ ერერას აზრით, პარიზულ კლუბს შეუძლია თავდამსხმელი, კილიან მბაპე გუნდში დარჩენაში დაარწმუნოს.

"ზაფხულში ვგრძნობდი, რომ კილიანი დარჩებოდა. კლუბი მუდმივად მბაპეს დარჩენის შესახებ გვატყობინებდა. თავად ვკითხე სატრანსფერო ფანჯრის დასრულებამდე 2 კვირით ადრე და მიპასუხა: "აქ ვიქნები", - ციტირებს ესპანელის სიტყვებს Goal.com.

"ყველაფერი, რაც პრესაში წავიკითხე, არ ემთხვეოდა იმას, რაც კლუბში ხდება. მიმდინარე სეზონმა შესაძლოა მბაპეზე გავლენა იქონიოს და დარჩება", - დასძინა ერერამ.

მოგეხსენებათ, აგვისტოში 22 წლის ფრანგი სუპერვარსკვლავის შეძენა მადრიდის "რეალმა" არაერთხელ სცადა, თუმცა უშედეგოდ.

მოქმედი ხელშეკრულების ვადა მბაპეს "პარი სენ ჟერმენთან" 2022 წლის ივნისის ბოლომდე აკავშირებს.

ოუენი: "მესის, ნეიმარისა და მბაპეს ტრიო პარი სენ ჟერმენის შეტევას ასუსტებს"