VIDEO: ერლინგ ჰოლანდმა დორტმუნდს უხვგოლიან შეხვედრაში დუბლით მოაგებინა
ბუნდესლიგის მე-5 ტურში დორტმუნდის „ბორუსიამ“ შინ „უნიონ ბერლინი“ უხვგოლიან მატჩში დაამარცხა.
შეხვედრა „სიგნალ იდუნა პარკზე“ გაიმართა და მასპინძელთა გამარჯვებით 4:2 დასრულდა.
„ფუტკრები“ 3:0-ს იგებდნენ, თუმცა საქმე გაირთულეს და დედაქალაქელებს მატჩში დაბრუნების საშუალება მისცეს - ანგარიში 3:2 გახდა.
83-ე წუთზე ერლინგ ჰოლანდმა ამ შეხვედრაში თავისი მეორე გოლი გაიტანა და ინტრიგაც დაასამარა.
„დორტმუნდმა“ 12 ქულა დააგროვა და მეორე ადგილზე გადაინაცვლა, „უნიონი“ კი 6 ქულით მერვე პოზიციაზეა.