ავტორიზაცია
აპირებს თუ არა ბარსელონა მორიგი წარუმატებელი მატჩის შემდეგ კუმანის გათავისუფლებას?
კატალონიის "ბარსელონას" მთავარი მწვრთნელი, რონალდ კუმანი დაკავებულ თანამდებობაზე რჩება.
როგორც ცნობილი ესპანური გამოცემა Cadena Ser იტყობინება, "ლურჯ-ბროწეულისფრები" 58 წლის ჰოლანდიელი სპეციალისტის გათავისუფლებას ჯერ არ აპირებენ.
გუშინ, 23 სექტემბერს, "ბარსამ" ლა ლიგის მე-6 ტურში "კადისს" ვერ მოუგო. კატალონიელები სატურნირო ცხრილში 9 ქულით მე-7 ადგილს იკავებენ.
აქამდე გავრცელებული ინფორმაციით, კუმანი შესაძლოა "ბლაუგრანას" ერთ-ერთმა ყოფილმა ფეხბურთელმა შეცვალოს - საუბარია ტიერი ანრისა და ხავი ერნანდესზე.
შეგახსენებთ, ჰოლანდიელი სპეციალისტი 22 სექტემბერს სიტყვით გამოვიდა, მოთმინება ითხოვა და თქვა, რომ სეზონი წარმატებული იქნება, თუ "ლურჯ-ბროწეულისფრები" ესპანეთის ჩემპიონატს მაღალ პოზიციაზე დაასრულებენ.
