ავტორიზაცია

ჟორჟინიო: "2018 წელს, სანამ ჩელსიში გადავიდოდი, სიტიში გადაბარგებასთან ვიყავი ახლოს"

ჟორჟინიო: "2018 წელს, სანამ ჩელსიში გადავიდოდი, სიტიში გადაბარგებასთან ვიყავი ახლოს"
თარიღი: 26 სექ 2021, 12:33

"ჩელსის" ნახევარმცველმა, ჟორჟინიომ განაცხადა, რომ "ნაპოლიდან" "მანჩესტერ სიტიში" გადასვლა შეეძლო.

29 წლის იტალიელმა როგორც BT Sport-თან ინტერვიუში აღნიშნა, 2018 წელს ლონდონური კლუბის ნაცვლად მანჩესტერულ კლუბში გადაბარგებასთან იყო ახლოს.

"2018 წელს, სანამ "ნაპოლიდან" "ჩელსიში" გადავიდოდი, "მანჩესტერ სიტი" მეპატიჟებოდა", - აცხადებს "არისტოკრატთა" ნახევარმცველი.

"ინტერესი იმდენად სერიოზული გახლდათ, რომ ტრანსფერი პრაქტიკულად დახურული იყო, მაგრამ საბოლოო ჯამში იქ აღმოვჩნდი, სადაც ვარ", - დასძინა ჟორჟინიომ.

ცნობისთვის, იტალიელ ფეხბურთელს საერთო ჯამში "ჩელსის" მაისურით 148 მატჩში აქვს მონაწილეობა მიღებული, 17 გოლი გატანილი და 4 შედეგიანი პასი გაკეთებული.