კუმანი: "ძალიან მინდა ერთხელ გულწრფელი განცხადება გავაკეთო და გამოთქვა ყველაფერი, რასაც ვფიქრობ"
„ბარსელონას“ მთავარმა მწვრთნელმა, „ატლეტიკოსთან’ მოახლოვებული მატჩის წინ, საკუთარ მომავალზე ისაუბრა.
„ჩემი სამსახურის დაცვა მომბეზრდა. ჩვენ მნიშვნელოვანი ნაბიჯები გადავდგით და კლუბის მხრიდან ცვლილებები მივიღეთ. არის ხალხი, რომლებიც პატივისცემის ნაკლებობაზე ფიქრობენ, სხვების აზრით კი კლუბს დრო სჭირდება.
დიახ, ძალიან მინდა რეთხელ გულწრფელი განცხადება გავაკეთო და გამოვთქვა ყველაფერი, რასაც ვფიქრობ.
მე ჯერ კიდევ „ბარსელონას“ მწვრთნელი ვარ. მოდით, მწვერვალზე დავბრუნდეთ. შედეგები სხვას აჩვენებს, ვიცი, მაგრამ ეს ნორმალურია.
კლუბის ხელმძღვანელობას ჩემთვის არაფერი უთქვამს. გავიგე, რომ პრეზიდენტი დილით აქ იყო, მაგრამ ჩემთან არ უსაუბრია.
ვიცი, რომ ახლა ბევრი ინფორმაცია ჩნდება, თითქოს გადაწყვეტილება უკვე მიღებულია. მაგრამ, პირადად ჩემთვის მას არაფერი უთქვამს.“ - ციტირებს კუმანის სიტყვებს Sport.es.
