ავტორიზაცია
ინიესტა: "ჩემი წამოსვლის შემდეგ ბარსელონაში ბევრი რამ შეიცვალა, მაგრამ იდეა უცვლელია"
"ბარსელონას" ყოფილმა ნახევარმცველმა, ანდრეს ინიესტამ განაცხადა, რომ კატალონიურ გრანდში დაბრუნება სურს.
მოგეხსენებათ, ამ ეტაპზე, 37 წლის ესპანელი ფეხბურთელი იაპონური "ვისელ კობეს" ღირსებას იცავს.
"ყოველთვის სიმპატიებით მივადევნებ თვალყურს "ბარსელონას", მასში სხვა გუნდს ვხედავ", - ციტირებს ინიესტას სიტყვებს BBC.
"მას შემდეგ, რაც კლუბიდან წამოვედი, ბევრი რამ შეიცვალა, მაშინ სხვა ადამიანები თამაშობდნენ. მაგრამ იდეა უცვლელია. იქნება როგორც კარგი, ისევე ცუდი დროც".
"ბარსელონაში" დაბრუნება? რა თქმა უნდა, ამას ვისურვებდი. ამ კლუბში იმდენი წელი გავატარე. ვერასოდეს გაიგებ, რა მოხდება მომავალში", - ციტირებს ინიესტას სიტყვებს BBC.
შეგახსენებთ, "ლურჯ-ბროწეულისფერთა" ლეგენდა "ბარსას" ღირსებას 2002 წლიდან 2018 წლამდე იცავდა.
