"არსებობს თუ არა იმის შანსი, რომ რონალდუ თქვენი რელიგიის მიმდევარი გახდეს?", - ხაბიბის პასუხი

მსუბუქ წონით კატეგორიაში UFC-ის ყოფილმა ჩემპიონმა, ხაბიბ ნურმაგომედოვმა, YouTube-არხ Eman Channel-ზე მუსულმანური შეხვედრის დროს, უპასუხა კითხვას, უსაუბრია თუ არა კრიშტიანუ რონალდუსთან ისლამის შესახებ.

— როდესმე განგიხილავთ კრიშტიანუ რონალდუსთან ისლამი? და არის თუ არა იმის შანსი, რომ თქვენი რელიგიის მიმდევარი გახდეს?

"რონალდუ მუდმივად ამბობს: "სალამ ალეიქუმ", "ინშალაჰ" (იცინის). რელიგია ესმის. ვფიქრობ, ის თავის რწმენას იცავს, მე ჩემსას", - აცხადებს ხაბიბი.

"როცა ადამიანებს ვხვდები, არასოდეს ვეკითხები: "ჰეი, რა რელიგიის მიმდევარი ხარ?". ეს, ასეთი საქციელი, მუსულმანთა მხრიდან კარგი მაგალითი არ არის".

"არასოდეს ვესაუბრები ადამიანებს თავიანთ რელიგიაზე, რისი სწამთ მათ. ეს მათი გადაწყვეტილებაა. რონალდუსთან ამაზე არასოდეს მილაპარაკია", - დასძინა ნურმაგომედოვმა.

ხაბიბმა თავისი ბოლო ბრძოლა გასული წლის ოქტომბერში გამართა, ტურნირ UFC 254-ზე ამერიკელი ჯასტინ გეიჯი დაამარცხა და MMA-ში კარიერის დასრულება დაადასტურა. ნურმაგომედოვმა საერთო ჯამში 29 ბრძოლა გამართა და ყველა მოიგო.

"ალექს ფერგიუსონმა ღვინის დალევა შემომთავაზა, მაგრამ უარი ვუთხარი", - ხაბიბმა მიზეზი ახსნა