ავტორიზაცია
"თუ რეალში გადმოვა, ჩვენთან თამაშით სიამოვნებას მიიღებს", - ანჩელოტი მბაპეს შესაძლო ტრანსფერზე
"რეალის" მთავარი მწვრთნელი, კარლო ანჩელოტი "პსჟ"-ს თავდამსხმელ კილიან მბაპეს შესაძლო ტრანსფერს გამოეხმაურა.
"თუ გადმოვა, ჩვენთან თამაშით სიამოვნებას მიიღებს. "რეალი" მსოფლიოს უდიდესი კლუბია", - ციტირებს იტალიელი სპეციალისტის სიტყვებს "სამეფო კლუბის" ოფიციალური საიტი.
მოგეხსენებათ, ზაფხულში 22 წლის ფრანგი სუპერვარსკვლავის მადრიდულ გრანდში გადასვლის თაობაზე აქტიურად იწერებოდა.
პარიზულმა კლუბმა სატრანსფერო ფანჯრის დახურვამდე რამდენიმე დღით ადრე "ბლანკოსს" 220 მილიონი ევრო შესთავაზა, თუმცა უარი მიიღო.
ცნობისთვის, მბაპეს მოქმედი ხელშეკრულების ვადა "პსჟ"-სთან მომავალ ზაფხულს ეწურება და გუნდს ახალ კონტრაქტზე ჯერ არ შეთანხმებია.
