ავტორიზაცია
სოლსკიაერი: "რონალდუ ახალგაზრდა ლეკვი აღარ არის და მზადაა მოედანზე თადარიგიდან შევიდეს"
"მანჩესტერ იუნაიტედის" მთავარმა მწვრთნელმა, ოლე-გუნარ სოლსკიაერმა განმარტა, თუ რატომ დატოვა ფორვარდი, კრიშტიანუ რონალდუ "ევერტონთან" შეხვედრაში სათადარიგოთა სკამზე.
მოგეხსენებათ, ამ გუნდებს შორის ინგლისის ჩემპიონატის მე-7 ტურის ეგიდით გამართული შეხვედრა ფრედ დასრულდა - 1:1.
"მას უფრო მეტად ვუგებთ, ვიდრე ექსპერტები, მაგალითად. სწორი არჩევანის გაკეთებაა საჭირო, როდის უნდა ითამაშოს რონალდუმ და როდის არა".
"ახალგაზრდა ლეკვი აღარ არის. პროფესიონალია და მზად არის მოედანზე თადარიგიდან შევიდეს. ეს გააკეთა კიდეც - ენერგიულად და კარგი განწყობით", - ციტირებს სოლსკიაერის სიტყვებს BBC.
