ავტორიზაცია
6-წლიანი კონტრაქტი და ზღაპრული ხელფასი — რეალმა მბაპეს შეთავაზება გაუკეთა
"რეალმა" "პსჟ"-ს თავდამსხმელს, კილიან მბაპეს 6-წლიანი კონტრაქტი და სეზონში დაახლოებით 40 მილიონ ევროიანი ხელფასი შესთავაზა.
მადრიდელები დარწმუნებულები არიან, რომ მიმდინარე სეზონის დასრულების შემდეგ საფრანგეთის ნაკრების 22 წლის ფეხბურთელს დაიმატებენ, როცა ეს უკანასკნელი თავისუფალი აგენტი გახდება.
სხვადასხვა გამოცემაზე დაყრდნობით, აღნიშნულ ინფორმაციას ცნობილი ჟურნალისტი, ნიკოლო სკირა ავრცელებს.
გავრცელებული ინფორმაციით, პარიზული კლუბი მბაპეს შენარჩუნებას გეგმავს და მასთან 2022 წლის ივნისის ბოლომდე მოქმედი კონტრაქტის გახანგრძლივება უნდა.
ამ კვირაში ჩაწერილ ინტერვიუში "პსჟ"-ს ერთ-ერთმა ლიდერმა აღიარა, რომ "რეალში" გადასვლა უნდოდა, მაგრამ როგორც აღინიშნა, არ იცის, თუ როგორ განვითარდება მისი მომავალი.
