დორტმუნდს ჰოლანდის შენარჩუნება უნდა და ხელფასის ორჯერ გაზრდას ჰპირდება

"დორტმუნდს" თავდამსხმელ ერლინგ ჰოლანდის შენარჩუნება უნდა, რომლისადმიც ინტერესს არაერთი ტოპ-კლუბი იჩენს.

როგორც გავლენიანი გერმანული გამოცემა Bild-ის ჟურნალისტი, კრისტიან ფალკი იტყობინება, ბორუსიელები აპირებენ ნორვეგიელს შესთავაზონ კონტრაქტი, რომლის მიხედვითაც ამჟამინდელზე ორჯერ მეტი ხელფასი ექნება.

თუ 21 წლის თავდამსხმელი მომავალი სეზონისთვის კლუბში დარჩენას დათანხმდება, მაშინ არა 8 მილიონ ევროს, არამედ 15 მილიონს გამოიმუშავებს.

ცნობისთვის, მოქმედი ხელშეკრულების ვადა "დორტმუნდთან" ჰოლანდს 2024 წლის 30 ივნისამდე აკავშირებს.

გერმანიის ჩემპიონატის მიმდინარე გათამაშებაში ერლინგმა 5 მატჩში მიიღო მონაწილეობა და მეტოქის კარი 7-ჯერ აიღო.

"ვიცი, რომ აცდუნებს", - დორტმუნდის დირექტორმა ჰოლანდის მომავალი კლუბი უკვე გაამხილა?!