ავტორიზაცია
კაკაბაძე: "ბათუმში გულშემატკივრის წინ ისტორიაში პირველად ვთამაშობთ - ეს დიდი მოტივაციაა"
ხვალ გაიმართება მსოფლიო ჩემპიონატის შესარჩევი ეტაპის მატჩი საქართველოსა და საბერძნეთის ნაკრებებს შორის.
მატჩის წინ კომენტარი ჩვენი ნაკრების მცველმა ოთარ კაკაბაძემ გააკეთა.
"ეროვნულ ნაკრებში ყოველი ჩემი გამოძახება ძალიან მნიშვნელოვანია. ნაკრებში გოლით მოვედი და ეს ორმაგად სასიხარულოა, რადგან ორმაგად თავდაჯერებული მოდიხარ და უფრო მეტად შესაძლოა გამოადგე შენს ნაკრებს.
წინა შეკრებაზე ბევრი ტრავმირებული გვყავდა, დღეს ეს სიტუაცია შედარებით შემსუბუქებულია.
ბათუმში გულშემატკივრის წინაზე ისტორიაში პირველად ვთამაშობთ და ეს დიდი მოტივაციაა. შევეცდებით, ის შეცდომები, რაც წინა მატჩში დავუშვით, ხვალ გამოვასწოროთ.", - განაცხადა კაკაბაძემ
