რამოსმა მორიგი ვარჯიში გამოტოვა - როდისღა შედგება ესპანელის დებიუტი პსჟ-ში?

ლეგენდარული მცველის სერხიო რამოსის დებიუტი „პარი სენ-ჟერმენშ“ ისევ გადაიდო.

Le Parisien-ის ინფორმაციით, რამოსმა 13 ოქტომბერს გუნდის ვარჯიში კვლავ გამოტოვა და „ანჟერთან“ მატჩში მისი მონაწილეობა აბსოლუტურად გამოირიცხა.

პრესაში აქტიურად იწერებოდა, რომ ესპანელი ფეხბურთელი ტრავმიდან დაბრუნებას სანაკრებო პაუზის შემდეგ შეძლებდა და მისი დებიუტიც შედგებოდა, თუმცა როგორც ჩანს, „პსჟ-ს“ მაისურით პირველ მატჩს რამოსი კიდევ უფრო დიდხანს დაელოდება. 

შეგახსენებთ, რომ რამოსი „პსჟ-ს“ ფეხბურთელი 2021 წლის ივლისში გახდა, მას შემდეგ რაც მადრიდის „რეალთან“ ახალი კონტრაქტის გაფორმება ვერ მოახერხა.

მას შემდეგ, რამოსი მუდამ ტრავმიანობს და „პსჟ-ს“ მაისურით ჯერ არცერთი მატჩი არ ჩაუტარებია - არც ამხანაგური და არც ოფიციალური.
 

როდის დაბრუნდება რამოსი? - პოჩეტინოს კომენტარი