ავტორიზაცია
როდის დაბრუნდება რამოსი? - პოჩეტინოს კომენტარი
"პსჟ"-ს მთავარმა მწვრთნელმა, მაურისიო პოჩეტინომ განაცხადა, რომ მცველ სერხიო რამოსის მოედანზე დაბრუნების ზუსტი თარიღი ჯერ არ იცის.
"ყოველდღიურად ვაკვირდებით სერხიოს პროგრესს. იმედი მაქვს, რაც შეიძლება მალე დაბრუნდება, მაგრამ ამ დროისთვის ზუსტად ვერ ვიტყვით, როდის მოხდება ეს", - ციტირებს პოჩეტინოს სიტყვებს L'Equipe.
მოგეხსენებათ, 35 წლის მცველი "პსჟ"-ში 2021 წლის ივლისში მადრიდის "რეალიდან" თავისუფალი აგენტის სტატუსით გადავიდა. რამოსმა პარიზულ კლუბთან ორწლიან ხელშეკრულებას მოაწერა ხელი და გუნდის რიგებში 2023 წლამდე დარჩება.
აღსანიშნავია, რომ ესპანელ უკანახაზელს "პარი სენ ჟერმენის" მაისურით ოფიციალური მატჩი ჯერ არ ჩაუტარებია.
