ავტორიზაცია

ვალდანო: "რაულს აქვს ის, რაც სხვა დიდებულ მწვრთნელებს - გვარდიოლას, მოურინიოს, სიმეონეს"

ვალდანო: "რაულს აქვს ის, რაც სხვა დიდებულ მწვრთნელებს - გვარდიოლას, მოურინიოს, სიმეონეს"
თარიღი: 13 ოქტ 2021, 23:37

"რეალის" ყოფილმა გენერალურმა დირექტორმა, ხორხე ვალდანომ კლუბის ყოფილი თავდამსხმელის, რაულის შესახებ ისაუბრა, რომელიც ამჟამად "კასტილიას" უდგას სათავეში.

"ძალიან, ძალიან განსაკუთრებული ფეხბურთელი იყო. ყველაზე ჭკვიანი მოთამაშე, ვინც კი ოდესმე მინახავს".

– ხალხი ამას ყოველთვის ვერ ამჩნევდა.

"ადამიანებს უბრალოდ არ ესმით, რომ გონებას ყოველთვის თან არ ახლავს საკუთარი აზრების სრულყოფილად გამოხატვის უნარი".

– მაგრამ თუ ერთხელაც "რეალის" მთავარი მწვრთნელი გახდება, არ მოუწევს ფეხბურთელებამდე თავისი აზრების გადაცემა?

"ამის გაკეთება არც კი დასჭირდება. არ არის აუცილებელი შენი მოთხოვნების მხოლოდ სიტყვებით გადმოცემა. ისტორიაში ერთ-ერთი საუკეთესო მწვრთნელი გახდება. სხვების მიმართაც ისეთი მოთხოვნადი იქნება, როგორიც საკუთარ თავთანაა".

"აქვს რაღაც, რაც დიდებული მწვრთნელებისთვის დამახასიათებელია. გვარდიოლას, მოურინიოს, სიმეონესაც აქვთ ეს - დაუხარჯავი ენერგია. აქ რომ იყოს, ერთ სიტყვასაც კი არ გვათქმევინებდა".

"გონებაში აკადემიის სამასამდე ფეხბურთელი ჰყავს. რომელზეც მოისურვებთ ჰკითხეთ. ეს უბრალოდ სასწაულია. მისი მწამს, როგორც მწვრთნელის", - ციტირებს ვალდანოს სიტყვებს La Galerna.