ავტორიზაცია
მოურინიომ თვალი ბარსელონას ნახევარმცველს დაადგა — რამდენად რეალურია ტრანსფერი?
კატალონიის "ბარსელონას" ნახევარმცველმა, რიკი პუჩმა კარიერა შეიძლება იტალიის ჩემპიონატში გააგრძელოს.
როგორც ცნობილი გამოცემა Diario Sport იტყობინება, 22 წლის ესპანელის გადაბირება "რომას" მთავარ მწვრთნელს, ჟოზე მოურინიოს სურს.
თავად ფეხბურთელი აქამდე კლუბიდან იჯარით წასვლის კატეგორიული წინააღმდეგ გახლდათ, მიუხედავად იმისა, რომ გუნდის დამრიგებელი, რონალდ კუმანი მას იშვიათად ათამაშებდა.
ახლა კი, პუჩის მდგომარეობა 17 წლის გავის პროგრესმაც დაამძიმა და რიკი შესაძლოა ზამთარში სერია ა-ში გადაბარგებას დათანხმდეს.
მიმდინარე სეზონში პუჩმა ესპანეთის ჩემპიონატის 4 შეხვედრაში მიიღო მონაწილეობა, თუმცა თავი შედეგიანობით არ გამოუჩენია.
