ავტორიზაცია
"ეს ჩემზე არ მოქმედებს, მისი აზრი არაფერს შეცვლის", - სოლსკიაერმა კარაგერის კრიტიკას უპასუხა
"მანჩესტერ იუნაიტედის" მთავარი მწვრთნელი, ოლე გუნარ სოლსკიაერი "ლივერპულის" ექს-მცველ ჯეიმი კარაგერის მხრიდან კრიტიკას გამოეხმაურა.
შეგახსენებთ, მერსისაიდელთა ყოფილმა ფეხბურთელმა თქვა: "ემიუს" ახალი მწვრთნელი სჭირდება. სოლსკიაერი პრემიერ ლიგას და ჩემპიონთა ლიგას ვერ მოიგებს, კლოპის, ტუხელის ან პეპის დონეზე არ არის".
"ეს ჩემზე არ მოქმედებს. რა თქმა უნდა, დროდადრო ამ კომენტარებს ვხედავ, მაგრამ არ ვიცოდი, რა თქვა ახლა".
"კვირას "ლივერპულს" ვეთამაშებით და რა თქმა უნდა, ჯეიმი ყოველთვის ამახვილებს ყურადღებას ასეთ მომენტებზე".
"საკუთარი ღირებულებები მაქვს, საკუთარი ხედვა. ჩემი თავის მჯერა და სანამ კლუბს ჩემი სჯერა, პრაქტიკულად დარწმუნებული ვარ, რომ ჯეიმი კარაგერის აზრი არაფერს ცვლის", - ციტირებს ნორვეგიელი სპეციალისტის სიტყვებს Sky Sports.
