"რონალდუს წასვლამ ადგილი გაუთავისუფლა", - პიკემ რეალიდან ფეხბურთელი გამოარჩია

"ბარსელონას" ცენტრალურმა მცველმა, ხერარდ პიკემ "რეალის" თავდამსხმელის, კარიმ ბენზემას შესახებ ისაუბრა.

"კრიშტიანუ რონალდუს წასვლამ ბენზემას ადგილი გაუთავისუფლა, რომელიც მან იდეალურად დაიკავა", - ციტირებს კატალონიელთა დაცვის ხაზის ლიდერის სიტყვებს Mundo Deportivo.

"კარიმი ყოველთვის ამტკიცებდა, რომ იმაზე მეტი იცის, ვიდრე უბრალოდ გოლების გატანა. გადაცემებსაც აკეთებს და თავისუფალ სივრცეებს ქმნის".

"ბენზემა გაცილებით მნიშვნელოვანი გახდა. ვიცით, როგორი რთულია გატანა. მის წინააღმდეგ თამაშით, შესანიშნავ დროს გავატარებთ", - დასძინა პიკემ.

მიმდინარე სეზონში 33 წლის ფრანგმა ყველა ტურნირზე ერთად მადრიდული გრანდის მაისურით 11 მატჩი ჩაატარა, 11 გოლი გაიტანა და 8 შედეგიანი პასი გააკეთა.

შეგახსენებთ, "ბარსელონა" კვირას, 24 ოქტომბერს, "კამპ ნოუზე" "რეალს" უმასპინძლებს. შეხვედრა სტარტს თბილისის დროით 18:15 საათზე აიღებს.

"თაობის საუკეთესო ფეხბურთელია", - პიკემ გაამხილა, თუ ვის აძლევს საკუთარ ხმას ოქროს ბურთისთვის ბრძოლაში