"კლასიკოში გამარჯვება იმაზე მეტია, ვიდრე უბრალოდ სამი ქულა", - პიკე რეალთან მატჩის წინ

"ბარსელონას" დაცვის ხაზის ლიდერმა, ხერარდ პიკემ ლა ლიგის ეგიდით "რეალთან" გასამართი მატჩის შესახებ ისაუბრა.

"კლასიკოში" გამარჯვება იმაზე მეტია, ვიდრე უბრალოდ სამი ქულა. მარადიული მეტოქის დამარცხება შთაგაგონებს, ძალას და თავდაჯერებულობას გაძლევს. "კლასიკოს" მოგების შემდეგ, მომდევნო მატჩებს უფრო ძლიერი ხვდები".

"რეალთან" გამარჯვება სიგნალია, ამტკიცებ, რომ მზად ხარ ლა ლიგის ტიტულისთვის იბრძოლო. კარგ მდგომარეობაში ვართ და მზად ბრძოლისთვის".

"კლასიკოში" ფავორიტი არ არსებობს. ეს მატჩი გამორჩეულია, მის წინ არ აქვს მნიშვნელობა, ვინ როგორ არის მზად. კრიზისული მომენტები გავიარეთ, მაგრამ ახლა ვბრუნდებით. ორივე გუნდი "კლასიკოს" მსგავს მდგობარეობაში ხვდება", - ციტირებს პიკეს სიტყვებს Mundo Deportivo.

"ბარსელონა" "რეალს" კვირას, 24 ოქტომბერს დაუპირისპირდება. მატჩი სტარტს თბილისის დროით 18:15 საათზე აიღებს.

"რონალდუს წასვლამ ადგილი გაუთავისუფლა", - პიკემ რეალიდან ფეხბურთელი გამოარჩია