"6:2 სანტიაგო ბერნაბეუზე", - პუიოლმა თავისი საყვარელი ელ კლასიკო დაასახელა

თარიღი: 23 Oct 2021, 19:07

"ბარსელონას" ყოფილმა კაპიტანმა, კარლეს პუიოლმა "რეალთან" გასამართი მატჩის წინ თავისი საყვარელი "კლასიკო" გაიხსენა.

"თუ მხოლოდ ერთი მატჩის გამორჩევა შეიძლება, იმას დავასახელებ, რომელიც "სანტიაგო ბერნაბეუზე" ჩვენი გამარჯვებით დასრულდა, ანგარიშით 6:2 - თამაშის, შედეგის და იმის გამო, ამ გამარჯვებამ პრაქტიკულად ტიტული გაგვინაღდა".

"ამასთანავე, გავიტანე და ანგარიში 2:1 გავხადე. ჩემთვის ეს განსაკუთრებული მომენტი იყო - არცთუ ისე ბევრი გამიტანია. მაგრამ "კლასიკოში" გოლი რაღაც განსაკუთრებულია", - თქვა პუიოლმა Marca-სთან ინტერვიუში.

შეგახსენებთ, ის მატჩი 2009 წლის 2 მაისს გაიმართა. "ბარსას" მხრიდან ხერარდ პიკემაც გაიტანა, ტიერი ანრიმ და ლიონელ მესიმ კი მეტოქეს 2-2-ჯერ გაუტანეს. "რეალიდან" გონსალო იგუაინმა და სერხიო რამოსმა გამოიჩინეს თავი.

მომდევნო "ელ კლასიკო" ხვალ, 24 ოქტომბერს, თბილისის დროით 18:15 საათზე აიღებს სტარტს.