ავტორიზაცია
"გაუნათლებელი ხალხია", - რონალდ კუმანმა ბარსელონას გულშემატკივრები გააკრიტიკა
„ბარსელონას“ მთავარმა მწვრთნელმა, კლასიკოს წაგების შემდეგ, გულშემატკივრების უკმაყოფილებაზე ისაუბრა.
როცა ჰოლანდიელი სპეციალისტი „კამპ ნოუს“ ტოვებდა, გულშემატკივართა დაჯგუფება მის მანქანას დაესია, ფეხების რტყმა დაუწყო და წასვლისკენ მოუწოდებდა.
„არამგონია, ამ სიტუაციიდან გამოსავალი არსებობდეს. ჩემი აზრით ეს სოციალური პრობლემაა. ეს გაუნათლებელი ადამიანები არიან. მათ არ იციან, რა არის ნორმები და ფასეულობები.
ატმოსფერო მოედანზე, თუნდაც 0:2-ს დროს, სრულიად სხვანაირი იყო. არ ღირს ამ ადამიანების მიმართ დიდი დროის დათმობა.
ეს ვიდეო ყველამ ნახა. შეიძლება მოგეჩვენოთ, რომ მსგავსი რამ მარტო მე შემემთხვა, მაგრამ ეს გადახდა რამდენიმე ფეხბურთელს და მათ ოჯახებსაც. ამ ყველაფრის გამოვლა პუიოლსაც კი მოუწია.“ - ციტირებს კუმანის სიტყვებს Marca.
