სქოულზი: "მანჩესტერ იუნაიტედს პოგბა არ მოენატრება, ბოლო წლებში ის გუნდს მხოლოდ ვნებს"
„მანჩესტერ იუნაიტედის“ ექს-ნახევარმცველმა, პოლ სქოულზმა, გუნდის ამჟამინდელი შუახაზელი, პოლ პოგბა გააკრიტიკა.
„ლივერპულთან“ მატჩში პოგბა მოედანზე მეორე ნახევარში გამოჩნდა, თუმცა მხოლოდ 25 წუთი ითამაშა და ნაბი კეიტაზე უხეშობის გამო პირდაპირი წითელი ბარათი მიიღო.
„ბოლო რამდენიმე წელია, ის გუნდს მხოლოდ ვნებს. „მანჩესტერ იუნაიტედის“ ყველა მწვრთნელი პოგბას ენდობა და აძლევს საშუალებას იყოს ისეთი, როგორიც არის, მაგრამ პოლი ყოველთვის რაღაცით უკამყოფილოა და ახალ კონტრაქტზე უარის თქმით, კლუბს პრაქტიკულად აშანტაჟებს.
„მანჩესტერ იუნაიტედს“ პოგბა არ მოენატრება. მან არაერთი შანსი მიიღო, რომ გუნდის საკვანძო ფიგურა გამხდარიყო, მაგრამ მუდმივად დისციპლინის პრობლემები აქვს.
პოგბა მწვრთნელების და თავისივე თანაგუნდელების მიმართ საშინელ უპატივცემლობას იჩენს.“ - აღნიშნა სქოულზმა.
