"ზედმეტად ბევრ ფეხბურთელს უკან ჩამოსვლა და დაცვის დახმარება არ სურს", - რუნიმ მანჩესტერის პრობლემებზე ისაუბრა
„მან.იუნაიტედის“ ექს-ფორვარდმა უეინ რუნიმ, გუნდიდან ოლე გუნარ სოლსკიაერის შესაძლო გაშვებაზე ილაპარაკა.
„გუნდის ფეხბურთელებს დიდი პასუხისმგებლობა აკისრიათ. ისინი მსოფლიო დონის მოთამაშეები არიან. ვხედავ, რომ გუნდის ზედმეტად ბევრი ფეხბურთელი უკან არ მორბის, მათ თავის დაცვა არ სურთ, ბოლომდეც არ იხარჯებიან, რაც დაუშვებელია.
ვისი ბრალია ეს, მწვრთნელის თუ ფეხბურთელების? არ ვიცი! მაგრამ ფეხბურთელებმა საკუთარ თავს კითხვა უნდა დაუსვან. ყველაფრის მწვრთნელზე გადაბრალება ზედმეტად მარტივია. ფეხბურთელებს საქმის შესრულებაში ძალიან დიდ ფულს უხდიან. ისინი კი მას არ ასრულებენ ისე, როგორც საჭიროა.
როგორი გადაწყვეტილებაც არ უნდა მიიღოს კლუბმა, ის სწორი იქნება. მაგრამ აშკარაა, რომ არ შეიძლება უბრალოდ პრესას ან გულშემატკივრებს აყვე. დარწმუნებული ვარ, რომ „ემიუს“ გეგმა გააჩნია - ოლესთან ერთად და მის გარეშეც. საჭირო დროს, ეს გეგმა გამოცხადებულიც იქნება.“ - ციტირებს რუნის სიტყვებს Mirror.
