"არასდროს დამიძალებია დარჩენა ფეხბურთელისთვის, რომელსაც წასვლა სურდა", - ანჩელოტი ედენ აზარზე
მადრიდის „რეალის“ მთავარმა მწვრთნელმა, კარლო ანჩელოტიმ, „ელჩესთან“ მატჩის წინ, რომელიც ხვალ, 30 ოქტომბერს გაიმართება, ედენ აზარზე ილაპარაკა.
„გავუშვებდი თუ არა ასეთი მცირე სათამაშო პრაქტიკის მქონე ფეხბურთელს გუნდიდან, როგორიც აზარია? სამწვრთნელო კარიერაში არასდროს არ დამიძალებია დარჩენა ფეხბურთელისთვის, რომელსაც წასვლა სურდა.
თუ ფეხბურთელს მოედანზე გასვლა სურს, ადრე თუ გვიან ის ამას გააკეთებს, ამაში ეჭვი არ მეპარება.
ჩვენ „ელჩესთან“ მატჩისთვის ვემზადებით და ვიცით, რომ ფიზიკური ასპექტი გადამწყვეტი არ იქნება. გვინდა, ტექნიკური და სტრატეგიული თვალსაზრისით ყველაფერი სწორად გავაკეთოთ. რაც შეეხება ესპანურ მსაჯობას, არ შემიძლია თქმა, რომ ესპანელი მსაჯეები სხვა ლიგების მსაჯებზე უარესები არიან.
ახლა უფრო მეტად ვითარდება დაცვით ფეხბურთი, გუნდები უფრო სწორხაზოვნები ხდებიან. ესპანეთში ყოფნის პირველ ეტაპზე თამაშს უფრო ვაკონტროლებდით, ახლა კი უფრო მეტად გახსნილი ფეხბურთია.
არ შეიძლება თქმა, რომელი სათამაშო ვერსიაა უკეთსი - ფეხბურთი არის სპორტი, სადაც მწვრთნელი თავისი ფეხბურთელებისგან მაქსიმუმს უნდა იღებდეს.“ - ციტირებს იტალიელის სიტყვებს Marca.
