მიზეზი გავარკვიეთ! - რატომ არაა ჩაკვეტაძე უნიონთან მატჩის განაცხადში?
ბელგიური იუპილერ ლიგის მე-11 ტურში გენტი საკუთარ მოედანზე უნიონს დაუპირისპირდება.
"ბუფალოელებმა" მატჩისწინა განაცხადი გამოაქვეყნეს, რომელშიც ქართველი ნახევარმცველი გიორგი ჩაკვეტაძე ვერ ამოვიკითხეთ. რა საკვირველია, ქართველ გულშემატკივარს დააინტერესა მიზეზი, თუ რატომ არაა სიაში 22 წლის შემტევი.
GOAL.GE-ს ინფორმაციით, ფეხბურთელს ვარჯიშზე კუნთი მცირედით გაეჭიმა, გენტის სამედიცინო შტაბი კი არ აპირებს არანაირ რისკზე წასვლას, მოთამაშე 3-4-დღიან დასვენებას მიიღებს, რათა 4 ნოემბერს, კონფერენს ლიგის მატჩში სერბული პარტიზანის წინააღმდეგ სათამაშოდ მზად იყოს. მსგავსი 3-დღიანი დასვენება ფეხბურთელმა სექტემბრის ბოლოსაც მიიღო სამედიცინო შტაბისგან.
12 ტურის შემდეგ გენტი სატურნირო ცხრილში 19 ქულით მე-9 პოზიციაზეა. რაც შეეხება ჩაკვეტაძეს, მიმდინარე სეზონში 11 მატჩში მიიღო მონაწილეობა, 1 გოლი გაიტანა და 4 საგოლე პასი გააკეთა.
