"მანჩესტერი არასოდეს ნებდება. ცოტა გაგვიმართლა, მაგრამ ეს ფეხბურთია", - რონალდუ ატალანტასთან მატჩის შემდეგ
"მანჩესტერ იუნაიტედის" თავდამსხმელმა, კრიშტიანუ რონალდუმ ჩემპიონთა ლიგაზე "ატალანტასთან" (2:2) გამართული მატჩის შედეგი შეაჯამა, რომელშიც დუბლი გაიფორმა.
"რთული მატჩი იყო. ბერგამოში თამაში ყოველთვის რთულია, მაგრამ ბოლომდე გვჯეროდა. ისეთი ბედნიერი ვარ", - ციტირებს პორტუგალიელის სიტყვებს BBC.
"არასოდეს ვნებდებით, ბოლომდე გვჯერა. "ემიუსთვის" კარგი შედეგია. დასაწყისი რთული გამოვიდა, ვიცოდით, რომ "ატალანტას" მხრიდან ზეწოლა მაღალი იქნებოდა. ფანტასტიკური მწვრთნელი ჰყავთ. როცა "იუვენტუსში" ვთამაშობდი, მათთან თამაში ყოველთვის რთული იყო. საბოლოო ჯამში, ცოტა გაგვიმართლა, მაგრამ ეს ფეხბურთია".
"ჯერ კიდევ უკეთესები უნდა გავხდეთ. განსხვავებული ფეხბურთელები გვყავს, სხვა სისტემა გვაქვს, ერთმანეთს უნდა მივეჩვიოთ, მაგრამ ამას დრო დასჭირდება. გვაქვს დრო იმისათვის, რათა უკეთესები გავხდეთ", - დასძინა კრიშტიანუმ.
