"ჩემი მიზანი კარიერის ბოლომდე ლივერპულში დარჩენაა", - სალაჰი
"ლივერპულის" ლიდერმა, მოჰამედ სალაჰმა საკუთარ მომავალთან დაკავშირებით საკმაოდ საინტერესო განცხადება გააკეთა. ეგვიპტელი თავდამსხმელის მიზანია მერსისაიდში კარიერის ბოლომდე დარჩენა.
"საკუთარი მომავლის თაობაზე გადაწყვეტილება უკვე მიღებული მაქვს. ჩემი მიზანია ლივერპულში კარიერის ბოლომდე დარჩენა, რადგან სხვა გუნდში ჩემი თავი ვერ წარმომიდგენია.
იმის გაფიქრებაც კი არ მინდა, რომ მომავალში, სხვა კლუბის მაისურით ჩემს ამჟამინდელ გუნდს დავუპირისპირდები. ჩემი ადგილი არის სწორედ მერსისაიდში და არა სხვაგან.
ცხადია, ყველაფერი ჩემს სურვილზე არ არის დამოკიდებული, საბოლოო გადაწყვეტილებას კლუბის ხელმძღვანელობა იღებს", - განაცხადა "წითლების" ფორვარდმა.
შეგახსენებთ, "სქაუზერთა" მე-11 ნომრის სახელი უკანასკნელ პერიოდში მადრიდის "რეალს" დაუკავშირეს. "სამეფო კლუბი" "ფარაონს" თითქოს კილიან მბაპეს ალტერნატივად განიხილავს.
