დაბრუნდა, ერთი მატჩი ითამაშა და კვლავ დაშავდა — ბარსელონას დემბელე რამდენიმე კვირით გამოაკლდა

კატალონიის "ბარსელონას" თავდამსხმელმა, უსმან დემბელემ მორიგი ტრავმა მიიღო, იტყობინება გავლენიანი ესპანური გამოცემა AS.

გავრცელებული ინფორმაციით, 24 წლის ფრანგ ფეხბურთელს ბარძაყის დაზიანება დაუდგინდა.

კატალონიურ კლუბს ჯერ არ დაუდასტურებია, თუ რამდენ ხანს გასტანს დემბელეს აღდგენითი პროცესები.

მიუხედავად ამისა, როგორც ზემოთნახსენები გამოცემა იუწყება, "ბარსას" უსმანი 3-4 კვირით გამოაკლდა.

შეგახსენებთ, დემბელე ჩემპიონთა ლიგის ჯგუფური ეტაპის მე-4 ტურში კიევის "დინამოსთან" (1:0) 2 ნოემბერს გამართულ მატჩში დაბრუნდა და ივნისის შემდეგ პირველად ითამაშა.

შეთანხმება ახლოსაა — ბარსელონაში დემბელეს მომავალი უახლოეს პერიოდში გაირკვევა