"საქმე რთულადაა, რადგან სხვა ფეხბურთელებიც იმსახურებენ ოქროს ბურთს", - ალისონი სალაჰის შანსებს აფასებს
"ლივერპულის" გოლკიპერმა, ალისონმა "ოქროს ბურთის" მოგებაზე მერსისაიდელთა თავდამსხმელის, მოჰამედ სალაჰის შანსები შეაფასა.
"ნამდვილად იმსახურებს ჯილდოს იმისათვის, რასაც აჩვენებს და საქმე მხოლოდ ამ სეზონს არ ეხება. ძალიან სტაბილური ფეხბურთელია", - ციტირებს ბრაზილიელი კიპერის სიტყვებს TNT Sports.
"ვფიქრობ, "ოქროს ბურთის" გამოკითხვაში სხვა სეზონებიც არის გათვალისწინებული. მაგრამ ყველაფერი ძალიან რთულადაა, რადგან ბევრი ფეხბურთელი იმსახურებს ამ ჯილდოს".
"თუ დამსახურებებზე ვისაუბრებთ, ბევრი მოთამაშეა... მაგალითად, ლევანდოვსკი, რომელმაც ბოლო სეზონებში რაღაც წარმოუდგენელი გააკეთა და რეკორდები დაამხო".
"სალაჰიც ამხობს რეკორდებს და სხვა ბევრი ტიტულის მქონე ფეხბურთელებიც არიან. რა თქმა უნდა, ნებისმიერი, ვინც გაიმარჯვებს, ამის ღირსი იქნება", - დასძინა ალისონმა.
