კონტემ პრესკონფერენციაზე ერთი საათით დააგვიანა — ბრიტანულმა მედიამ აღნიშნულის მიზეზი გაარკვია
"ტოტენჰემის" ახალმა მთავარმა მწვრთნელმა, ანტონიო კონტემ დღევანდელ პრესკონფერენციაზე ერთი საათით დააგვიანა.
52 წლის იტალიელი სპეციალისტი მედიის წინაშე ადგილობრივი დროით 13:30 საათზე უნდა წარსმდგარიყო, მაგრამ 14:30 საათისთვისაც არ იყო დარბაზში.
როგორც ცნობილი ბრიტანული გამოცემა Daily Mail იტყობინება, მიზეზი იმაში მდგომარეობს, რომ კონტე "დეზების" ვარჯიშზე შეყოვნდა.
შეგახსენებთ, პრემიერ ლიგის მე-11 ტურის ეგიდით, "ტოტენჰემი" კვირას "ევერტონს" ესტუმრება.
კონტე ლონდონურ კლუბს სათავეში რამდენიმე დღის წინ ჩაუდგა, აღნიშნულ თანამდებობაზე მან გათავისუფლებული ნუნუ ეშპირიტუ სანტუ ჩაანაცვლა.