"მისი რეზიუმე ყველაფერზე თავისთავად მეტყველებს", - კეინი ტოტენჰემის დამრიგებლად კონტეს დანიშვნას ეხმაურება
"ტოტენჰემის" თავდამსხმელი, ჰარი კეინი ლონდონური გუნდის მთავარი მწვრთნელის პოსტზე ჰარი კეინის დანიშვნას გამოეხმაურა.
"სიმართლე გითხრათ, ეს დიდ ამბიციებზე მიუთითებს. მისი რეზიუმე თავისთავად მეტყველებს", - ციტირებს "დეზების" კაპიტნის სიტყვებს გავლენიანი ჟურნალისტი, ფაბრიციო რომანო.
"ყველამ იცის, რამდენად მაღალ დონეზე ფიქრობენ მასზე და რა გააკეთა ფეხბურთში, როგორც მწვრთნელმა. ამას პატივი უნდა ვცეთ", - დასძინა კეინმა.
შეგახსენებთ, 52 წლის იტალიელმა "ტოტენჰემი" 2 ნოემბერს ჩაიბარა და "დეზების" თავკაცის რანგში პირველი მატჩი გუშინ ჩაატარა - კონფერენც ლიგის ეგიდით, ლონდონურმა კლუბმა შინაურ კედლებში "ვიტესი" (3:2) დაამარცხა.
კონტეს გაწვრთნილი გუნდი კვირას "ევერტონს" ესტუმრება, აღნიშნული შეხვედრა პრემიერ ლიგის მე-11 ტურის ეგიდით გაიმართება.