ავტორიზაცია
ბარსელონა მომავალზე ფიქრს აგრძელებს — კატალონიელებმა გავის მიმზიდველი შეთავაზება გაუმზადეს
კატალონიის "ბარსელონას" ხელმძღვანელობა ახალგაზრდა ნახევარმცველ გავისთან კონტრაქტის გახანგრძლივებას გეგმავს.
"ლურჯ-ბროწეულისფრები" 17 წლის ფეხბურთელს 5-წლიან ხელშეკრულებას შესთავაზებს, სეზონიდან სეზონამდე მზარდი ხელფასით.
გავისთვის წინადადება უკვე მზად არის, მხარეები ყველაფერს უახლოეს დღეებში განიხილავენ.
"ბარსას" ხელმძღვანელობა დარწმუნებულია, რომ გავისთან ახალი კონტრაქტის გაფორმება დროის საკითხია, წერს გავლენიანი ჟურნალისტი, ფაბრიციო რომანო.
მოქმედი ხელშეკრულების ვადა ახალგაზრდა ესპანელს კლუბთან 2023 წლის ზაფხულში ეწურება.
მიმდინარე სეზონში გავიმ ყველა ტურნირზე ერთად "ბარსას" მაისურით 15 მატჩი ჩაატარა და 1 შედეგიანი პასი მიითვალა.
