ავტორიზაცია
"აიაქსში ბედნიერი ვარ", - ტენ ჰაგმა განმარტა, თუ რატომ თქვა უარი ნიუკასლის ზღაპრულ წინადადებაზე
"აიაქსის" მთავარმა მწვრთნელმა, ერიკ ტენ ჰაგმა იმის შესახებ გააკეთა განცხადება, თუ რატომ თქვა უარი "ნიუკასლის" ჩაბარებაზე.
"იმიტომ, რომ აქ ბედნიერი ვარ, "აიაქსში". ხელმძღვანელობასთან ძალიან კარგი ურთიერთობა მაქვს".
– რა გსურთ მომავალში?
"აწმყოთი ვცხოვრობ, ამიტომაც ამ კითხვაზე პასუხის გაცემა მიჭირს", - განუცხადა 51 წლის ჰოლანდიელმა სპეციალისტმა ESPN-ს.
აქამდე გავრცელებული ინფორმაციით, "ნიუკასლი" მზად იყო ტენ ჰაგისთვის წლიური ხელფასის სახით 11 მილიონ ფუნტზე მეტი ეხადა. საბოლოოდ, მოგეხსენებათ, "კაჭკაჭებს" სათავეში ედი ჰაუ ჩაუდგა.
