ოფიციალურად: ბარსელონაში დანი ალვეშის სათამაშო ნომერი ცნობილია

ცნობილი გახდა, თუ რა ნომრით ითამაშებს "ბარსელონას" ახალწვეული, დანი ალვეში კატალონიური გრანდის რიგებში.

ასე და ამგვარად, ბრაზილიელი "ლურჯ-ბროწეულისფერთა" ახალი 8-იანია. ამ ნომრით გუნდში წლების მანძილზე ანდრეს ინიესტა ასპარეზობდა.

აღსანიშნავია, რომ მხოლოდ ეს ნომერი იყო "ბარსაში" თავისუფალი, რომელიც მირალემ პიანიჩის "ბეშიქთაშში" წასვლის შემდეგ გათავისუფლდა.

ალვეში კატალონიაში ოფიციალურად რამდენიმე დღის წინ დაბრუნდა. დანიმ სეზონის ბოლომდე გათვლილ კონტრაქტს მოაწერა ხელი, თუმცა გუნდში თამაშს იანვრიდან შეძლებს.

შეგახსენებთ, 38 წლის სამხრეთამერიკელი "ბარსელონას" ღირსებას 2008 წლიდან 2016 წლამდე იცავდა. "ბლაუგრანასთან" ერთად მან ჩემპიონთა ლიგა (3-ჯერ), ლა ლიგა (5-ჯერ), ესპანეთის თასი და სუპერთასი (4-4-ჯერ) მოიგო.

კონტრაქტის ახალი დეტალები — დანი ალვეშს ბარსელონაში ყველაზე დაბალი ხელფასი ექნება