"დარჩება თუ წავა?", - რაიოლა იუვენტუსიდან დე ლიგტის შესაძლო წასვლას ეხმაურება

"იუვენტუსის" ცენტრალური მცველის, მატეის დე ლიგტის აგენტმა, მინო რაიოლამ თავისი კლიენტის მომავალზე განცხადება გააკეთა.

"დარჩება თუ წავა? ეს მაისში იქნება განსახილველი, ახლა კი ნოემბერია. ამჟამად ამაზე ლაპარაკის დრო არ არის", - ციტირებს რაიოლას სიტყვებს გავლენიანი ჟურნალისტი, ფაბრიციო რომანო.

აქამდე გავრცელებული ინფორმაციით, იტალიელმა აგენტმა 22 წლის ჰოლანდიელის ტრანსფერზე მოლაპარაკებები "მანჩესტერ სიტისთან", "ჩელსისთან" და "ბარსელონასთან" გამართა.

Transfermarkt-ის ვერსიით, დე ლიგტის სატრანსფერო ღირებულება ამჟამად 150 მილიონ ევროს შეადგენს. მოქმედი კონტრაქტის ვადა მას "ბებერ ქალბატონთან" 2024 წლის 30 ივნისამდე აკავშირებს.

მიმდინარე სეზონში მატეისმა "იუვენტუსის" მაისურით ყველა ტურნირზე ერთად 12 მატჩში მიიღო მონაწილეობა და ერთი გოლი გატიანა.

რაიოლა პოგბას მომავალზე: "ვერავის ავუკრძალავ პოლზე ოცნებას, ამის გაკეთება თავისუფლად შეიძლება"