მალდინი: "იბრაჰიმოვიჩმა ჟირუსთან კონტრაქტის გაფორმებას მხარი დაუჭირა, ზლატანს ოლივიე მოეწონა"
"მილანის" დირექტორმა, პაოლო მალდინიმ იმის შესახებ ისაუბრა, თუ რა რეაქცია ჰქონდა გუნდის თავდამსხმელ ზლატან იბრაჰიმოვიჩს "ჩელსიდან" ფორვარდ ოლივიე ჟირუს ტრანსფერზე.
"იბრაჰიმოვიჩმა ჟირუსთან კონტრაქტის გაფორმებას მხარი დაუჭირა. ზლატანს ოლივიე მოეწონა", - ციტირებს მალდინის სიტყვებს Sky Sport Italia.
"მაგრამ ნათელია, თუ ვის რა როლი უკავია "მილანში". გამოცდილებიდან ვიცი, რომ ფეხბურთელის ხედვა დირექტორის ხედვისგან განსხვავდება", - დასძინა პაოლომ.
შეგახსენებთ, 35 წლის ფრანგმა "როსონერისთან" კონტრაქტი 2021 წლის ივლისში გააფორმა. მიმდინარე სეზონში ჟირუმ 12 მატჩში 4 გოლი გაიტანა. 40 წლის იბრაჰიმოვიჩის აქტივში კი 9 მატჩში გატანილი 5 გოლი და გაკეთებული ორი შედეგიანი გადაცემაა.
იტალიის ჩემპიონატის სატურნირო ცხრილში "მილანი" 13 ტურის შემდეგ მოპოვებული 32 ქულით მე-2 ადგილს იკავებს.
