იბრაჰიმოვიჩი: "ტექნიკის დონე ლა ლიგაში, ლიგა 1-სა და სერია ა-ში უფრო მაღალია, ვიდრე პრემიერ ლიგაში"
"მილანის" თავდამსხმელმა, ზლატან იბრაჰიმოვიჩმა პრემიერ ლიგის დონე ევროპის სხვა ლიგების სიძლიერეს შეადარა.
"პრემიერ ლიგაში ტექნიკის დონე გადაფასებულია. მაგრამ პრემიერ ლიგას სხვა თვისებები აქვს: ტემპი, რიტმი", - ციტირებს შვედი სუპერვარსკვლავის სიტყვებს The Guardian-ი.
"შეიძლება მსოფლიოში საუკეთესო იყო, თუმცა, თუ ამ ტემპსა და რიტმს ვერ გაუმკლავდები, პრემიერ ლიგაში წარმატებას ვერ მიაღწევ".
"ლა ლიგაში, ლიგა 1-სა და სერია ა-ში უკეთესი ტექნიკაა. ამიტომაც არის ამდენი ლეგიონერი პრემიერ ლიგაში. ისინი ამ ლიგას ტექნიკას მატებენ", - დასძინა ზლატანმა.
შეგახსენებთ, 40 წლის იბრაჰიმოვიჩს ინგლისის ჩემპიონატში უთამაშია, სადაც 2016 წლიდან 2018 წლამდე "მანჩესტერ იუნაიტედის" ღირსებას იცავდა.