ავტორიზაცია

VIDEO: საბურთალომ ბათუმის დინამო ფინალში არ გაუშვა

თარიღი: 25 ნოე 2021, 01:55

საქართველოს დავით ყიფიანის სახელობის თასის 1/2 ფინალში საბურთალომ საკუთარ მოედანზე ბათუმის დინამო 2-1 დაამარცხა.

ანგარიში პირველ ტაიმში მოლდოველმა ნახევარმცველმა, დმიტრი მანდრიჩენკომ მამუკა კობახიძის სუსტი ქმედების შემდეგ 34-ე წუთზე გახსნა.

მეორე ტაიმში, 54-ე წუთზე უკვე შოთა ნონიკაშვილის ულამაზესი გასროლით ლევან კორღალიძის შეგირდების უპირატესობა ორბურთიანი გახდა.

შეხვედრის საბოლოო ანგარიში 83-ე წუთზე ვლადიმერ მამუჩაშვილმა პენალტის ნიშნულიდან დააფიქსირა. ამის შემდეგ გია გეგუჩაძის გუნდმა თამაშში ცვლილების შეტანა ვეღარ მოახერხა.

შესაბამისად, საქართველოს დავით ყიფიანის სახელობის თასის მოსაგებად ფინალში სამგურალი და საბურთალო იბრძოლებენ.