ავტორიზაცია
მორიგი სპეციალისტი, რომელმაც მანჩესტერ იუნაიტედის გაწვრთნაზე უარი განაცხადა
"მანჩესტერ იუნაიტედი" ოლე-გუნარ სოლსკიაერის გათავისუფლების შემდეგ ახალი მთავარი მწვრთნელის ძიებას აგრძელებს.
ასე და ამგვარად, მანიკუნიანელები შესაძლო დანიშვნის თაობაზე იტალიის ნაკრების დამრიგებელს, რობერტო მანჩინის დაუკავშირდნენ.
აღნიშნულ ინფორმაციას გავლენიანი გერმანული გამოცემა Bild-ის ჟურნალისტი, კრისტიან ფალკი ავრცელებს.
"მანჩესტერ სიტის" ექს-თავკაცმა "ეშმაკუნებს" უარი შეუთვალა და განუცხადა, რომ ვალდებულია იტალიის ნაკრებთან ერთად 2022 წლის მსოფლიო ჩემპიონატზე გავიდეს.
შეგახსენებთ, აქამდე, "მანჩესტერ იუნაიტედის" შეთავაზება "რეალის" ყოფილმა დამრიგებელმა, ზინედინ ზიდანმაც იუარა.
