"ჩვენი აქ ყოფნა შემთხვევითი არაა" - ქეცბაიას კომენტარი გენტთან მოგების შემდეგ
კონფერენს ლიგის ჯგუფური ეტაპის მე-5 ტურის მატჩში ანორთოსისმა გენტი მინიმალური ანგარიშით, 1-0 დაამარცხა.
ეს მოგება ჯგუფში ანორთოსისისთვის პირველი იყო და ინარჩუნებს პლეი-ოფში გასვლის შანსს. მატჩის შემდეგ, ჟურნალისტებთან ანორთოსისის მთავარმა მწვრთნელმა თემურ ქეცბაიამ ისაუბრა.
''ეს კვიპროსული ფეხბურთისთვისა და ანორთოსისთვის დიდი გამარჯვებაა. ბოლო ტურში შემდეგ ეტაპზე გასვლის შანსი სამ გუნდს აქვს. მინდა, რომ ჩემს ფეხბურთელებს მივულოცო. ჩვენ ვაჩვენეთ, რომ კარგი გუნდი ვართ. ვაჩვენეთ ის ხასიათი, რაც ასეთი მატჩების მოგებისთვისაა საჭირო.
ლამაზი გოლი გავიტანეთ და ახლა აპოლონთან მატჩისთვის ვემზადებით. თუ ასე თამაშს გავაგრძელებთ, ვფიქრობ, რომ იმას მივაღწევთ, რაც გვინდა. მე ამ გუნდის მჯერა და ვფიქრობ, რომ შემთხვევითი არაა, რომ ამ ტურნირზე ვთამაშობთ," - განაცხადა ქართველმა მწვრთნელმა.
5 ტურის შემდეგ ანორთოსისს 5 ქულა აქვს. ბოლო ტურში მათ სერბეთში პარტიზანთან მოგება სჭირდებათ ჯგუფიდან გასასვლელად.
