ავტორიზაცია
Sky Sports-იც ადასტურებს - მანჩესტერისა და რანგნიკის თანამშრომლობას წინ აღარაფერი უდგას
რალფ რანგნიკი, მოსკოვის "ლოკომოტივის" სპორტისა და განვითარების ხელმძღვანელი, ძალიან მალე "მანჩესტერ იუნაიტედის" ახალი მთავარი მწვრთნელი გახდება.
Sky Sports-ის ცნობით, 63 წლის თავკაცმა "მანჩესტერ იუნაიტედის" პირველი შეთავაზება უარყო. შემდეგ კლუბმა გააუმჯობესა ხელშეკრულების პირობები და რანგნიკმა პირობები მიიღო.
გავრცელდა ინფორმაცია, რომ გერმანელი "მანჩესტერ იუნაიტედთან" 6 თვიან კონტრაქტს მოაწერს ხელს, შემდეგ კი ის კლუბის კონსულტანტი გახდება. "ლოკოსთან" მოლაპარაკებები მიმდინარე ხელშეკრულების გაწყვეტაზე მოწინავე ეტაპზეა.
შეგახსენებთ, რომ "წითელი ეშმაკების" ამჟამინდელი დამრიგებელი არის მაიკლ კერიკი, რომელმაც აღნიშნული თანამდებობა ოლე-გუნარ სოლსკიაერის გაშვების შემდეგ დაიკავა.
