ეტო'ო: "მესი მსოფლიოს საუკეთესო ფეხბურთელია და იმედი მაქვს, მე-8 ოქროს ბურთსაც მოიგებს"
"ბარსელონას" ყოფილი თავდამსხმელი, სამუელ ეტო'ო "ოქროს ბურთისთვის" ბრძოლაში ლიონელ მესის გამარჯვებას გამოეხმაურა.
– თქვენი აზრით, მესის მორიგი "ოქროს ბურთი" ეკუთვნოდა?
"ფეხბურთში ბევრი მოსაზრება არსებობს. მახსოვს, 2010 წელს ბევრი მიიჩნევდა, რომ სხვას უნდა მოეგო. ლეოს გამარჯვება სამართლიანი მგონია, რადგან მსოფლიოს საუკეთესო ფეხბურთელია და როცა საუკეთესო ხარ, ყოველ ჯერზე უნდა გაიმარჯვო. მისი მეგობარი ვარ და ეს ჩემთვის დიდი პატივია".
– საუკეთესო წელი არ ჰქონია...
"ხალხი ამბობს, რომ არაობიექტური ვარ, მაგრამ ლეო ამ ქვეყნად ყველაფერ მშვენიერს იმსახურებს, მის გამო ბედნიერი ვარ, იმის გამო, რაც გააკეთა, აკეთებს და გააკეთებს. ახლა შვიდი "ოქროს ბურთი" აქვს და ვიმედოვნებ, მერვესაც აიღებს".
– ესაუბრეთ?
"დიახ, მივულოცე".
– ბედნიერია?
"პირადი საუბარი იყო. დეტალებზე არ ვისაუბრებ", - ციტირებს ეტო'ოს სიტყვებს AS-ი.
