გვარდიოლა გუშინდელი გამარჯვების შემდეგ: "ბევრი მომენტი გავანიავეთ, ბერნარდუმ კი არ დამაღალატა"

"მანჩესტერ სიტის" მთავარმა მწვრთნელმა, პეპ გვარდიოლამ პრემიერ ლიგის მე-15 ტურში "უოტფორდთან" (3:1) გამართული მატჩის შედეგი შეაჯამა.

"ძალიან კარგად ვიასპარეზეთ. ბევრი მომენტი გავანიავეთ, იმედი მაქვს, შემდეგ ჯერზე უკეთესი იქნება", - ციტირებს ესპანელი სპეციალისტის სიტყვებს BBC.

"გამარჯვებულის საკითხი ადრევე უნდა მოგვეხსნა. თანმიმდევრულობას ვინარჩუნებთ იმაში, როგორც ვთამაშობთ. ფეხბურთში ყველაზე რთული ბურთის ბადეში გახვევაა, მაგრამ კვლავ ნამდვილად კარგად ვითამაშეთ".

"ვიხილეთ "უოტფორდის" თამაში "მანჩესტერ იუნაიტედის", "ჩელსის", "ლესტერის" წინააღმდეგ. კონტრშეტევების შედეგად ბევრი მომენტი ჰქონდათ, დღეს კი შევაჩერეთ. სამი შესანიშნავი გოლი გავიტანეთ, მაგრამ მეტიც შეგვეძლო".

"მინდა ბერნარდუ სილვას მადლობა გადავუხადო, რადგან ჩემი განცხადების შემდეგ არ დამაღალატა. მადლობა შენ. ბერნარდუმ ჩემი სიტყვები დაადასტურა, ჩვენთვის ძალიან მნიშვნელოვანი ფეხბურთელია", - ციტირებს გვარდიოლას სიტყვებს Sky Sports.

შეგახსენებთ, აღნიშნულ დაპირისპირებაში ბერნარდუ სილვამ დუბლი გაიფორმა.

გვარდიოლა: "ბერნარდუ სილვა პრემიერ ლიგის საუკეთესო ფეხბურთელია"