"რა თქმა უნდა, ვეთანხმები", - ედერსონის აზრით, ბერნარდუ რონალდუსა და სალაჰზე უკეთესია
"მანჩესტერ სიტის" გოლკიპერმა, ედერსონმა გუნდის შემტევი ნახევარმცველის, ბერნარდუ სილვას შესახებ ისაუბრა.
ბრაზილიელი კიპერის აზრით, "ქალაქელთა" ნახევარმცველი, ბერნარდუ სილვა კრიშტიანუ რონალდუსა ("მანჩესტერ იუნაიტედი") და მოჰამედ სალაჰზე ("ლივერპული") უკეთესია.
მოგეხსენებათ, აქამდე, "ქალაქელთა" მთავარმა მწვრთნელმა, პეპ გვარდიოლამ თქვა, რომ სილვა პრემიერ ლიგის საუკეთესო ფეხბურთელია.
"რა თქმა უნდა, ამას ვეთანხმები. ყოველდღე მის გვერდით ვთამაშობ, დიდი ხანია ვიცნობ - ჯერ კიდევ "ბენფიკადან". ვიცი, რა შეუძლია, რამდენად კარგია ახლა და როგორ მოუმატა".
"ჩვენთვის ძალიან მნიშვნელოვანი ფეხბურთელია, საოცრად ნიჭიერი. ბურთთან ერთად კარგად მუშაობს. მხოლოდ მისი შექება შემიძლია. ნებისმიერი მწვრთნელი ისურვებდა ასეთ ფეხბურთელს", - ციტირებს ედერსონის სიტყვებს Talksport.
