ავტორიზაცია
ბაიერნი დემბელეთი ინტერესდება, თუმცა მის გადაბირებას მხოლოდ ერთ შემთხვევაში ეცდება
კატალონიის "ბარსელონას" თავდამსხმელმა, უსმან დემბელემ კარიერა შესაძლოა სხვა კლუბში გააგრძელოს.
როგორც Bild-ის ჟურნალისტი, კრისტიან ფალკი იტყობინება, 24 წლის ფრანგისადმი ინტერესს მიუნხენის "ბაიერნი" იჩენს.
გავრცელებული ინფორმაციით, "რეკორდმაისტერში" დემბელეს თანამემამულე კინგსლი კომანის შემცვლელად განიხილავენ.
მიუხედავად ამისა, მიუნხენური გრანდი "ბარსას" შემტევის გადაბირებას მხოლოდ იმ შემთხვევაში ეცდება, თუ კომანი მოქმედი კონტრაქტის გახანგრძლივებაზე უარს იტყვის, რომელიც 2023 წლის 30 ივნისამდეა ძალაში.
თავის მხრივ, დემბელეს, რომელმაც მიმდინარე სეზონში ყველა ტურნირზე ერთად 5 მატჩი ჩაატარა, "ლურჯ-ბროწეულისფრებთან" ხელშეკრულების ვადა მომავალ ზაფხულამდე აკავშირებს.
