"გაძლიერება ნამდვილად გვჭირდება", - ხავი ბარსელონაში ჰოლანდის შესაძლო ტრანსფერს გამოეხმაურა
"ბარსელონას" მთავარმა მწვრთნელმა, ხავიმ "დორტმუნდის" ფორვარდის, ერლინგ ჰოლანდის შეძენის ალბათობა შეაფასა.
აქამდე გავრცელებული ინფორმაციით, კატალონიური გრანდის პრეზიდენტი, ჟოან ლაპორტა 21 წლის ნორვეგიელის აგენტს, მინო რაიოლას შეხვდა და მოლაპარაკებები გამართა.
"ახლა ამ თემაზე ყველა საუბარი ჰიპოთეტურია", - ციტირებს "ლურჯ-ბროწეულისფერთა" დამრიგებლის სიტყვებს Marca.
"ბარსელონას" სატრანსფერო ბაზარი მხედველობაში უნდა ჰქონდეს, გაძლიერება ნამდვილად გვჭირდება. ვნახოთ, რა მოხდება", - დასძინა ხავიმ.
მოგეხსენებათ, ჰოლანდის ხელში ჩაგდებით რამდენიმე სხვა ევროპული გრანდიცაა დაინტერესებული.
ერლინგს "დორტმუნდთან" მოქმედი ხელშეკრულების ვადა 2024 წლის 30 ივნისამდე აკავშირებს და Transfermarkt-ის ვერსიით, მისი სატრანსფერო ღირებულება ამჟამად 150 მილიონ ევროს შეადგენს.
მიმდინარე სეზონში ჰოლანდმა ყველა ტურნირზე ერთად ბორუსიელთა მაისურით 14 მატჩი ჩაატარა, 17 გოლი გაიტანა და 5 შედეგიანი პასიც მიითვალა.
